Posts

Showing posts from January 16, 2011

Aik bay rang sa manzar hai kahan tak sochon

Aik bay rang sa manzar hai
kahan tak sochon

zindagi main terey baray main kahan tak sochon

Phenknay walay nay tu door say pathar phenkay

aur main sirf paroosi k makaan tak sochon

Tera chehra bhi na yaad aye k tu kaisa hai

main tujhay sooch k reh jaaon yahan tak sochon

Loog jis mor per ghabra k
bechar jaatay hain

tujh say milnay ka yaqeen ho tu wahan tak sochon...

Bas itni si inaayat mujh pe aik baar kijiye

Bas itni si inaayat mujh pe aik baar kijiye

Kabhi aa ke mere zakhmon ka dedaar kijiye

Ho jaaye begaane aap shauq se sanam

Aapkee hain aapkee rahegey
aitbaar kijiye

Parhne waale hi darr jaayen
dekh kar ise

Kitaab-e-dil ko itnaa na
daagdaar kijiye

Na majboor kijiye, ke main unko bhool jaaun

Mujhe meri wafaaon ka na
gunehgaar kijiye

In jalte diyon ko dekh kar na
muskuraaiye

Zara hawaaon ke chalne ka
intezaar kijiye

Karna hai ishq aapse karte
rahenge hum

Jo bhi karna hai aapko mere
sarkaar kijiye,,

Phir sapno ka ashiyaan bana liya hai maine

Phir aandhiyon ko aap
khabardaar kijiye

Hame na dikhaiye ye daulaate ye shohrat

Hum pyaar ke bhookhe hain
humey pyaar kijiye...

Kuch din to baso merii aa.Nkho.n me.n

Kuch din to baso merii aa.Nkho.n me.n

phir khuwab agar ho jaao to
kyaa

koi rang to do mere chehray ko

phir zakhm agar mehkao to kyaa

ik ainaa thaa so TuuT gayaa

ab Khud se agar sharmaao to kyaa

main tanhaa thaa main tanhaa huuN

tum aao to kyaa na aao to kyaa

jab ham hii na mahake phir
saahib

tum baad-e-sabaa kahlaao to kyaa

jab dekhne waalaa koi naheen

bujh jaao to kyaa jal jaao to
kyaa...)(..

Nazar Main Zakhm-e-Tabbasum Chupa Chupa k mila

Nazar Main Zakhm-e-Tabbasum Chupa Chupa k mila

Khafa To Tha Wo Magar Mujhse Muskura k Mila

Wo Humsafar K Mere Tanz Pe Hansta Tha Bohat

Sitam Zareef Muje Aaina Dikha Ke Mila

Mere Mizaj pe Hairan Hai Zindagi Ka Shaoor

Main Apni Moat Ko Aksar Gale
Laga K Mila

Main Us Se Mangta Kia Khoon
Baha Jawani Ka

K Wo Bhi Aaj Muje Apna Ghar
Luta k mila

Main jisko Dhoond Raha Tha
Nazar Ke Raste Main

Mujhe Mila Bhi Tou Zalim Nazar Jhuka K Mila

Main Zakham-e-Zakham Badan Le K Chal Dia

Wo Jab Bhi Apni qabar Per
Kanwal Saja K mila...)(..

Un ka kiyaa dil main asay sama gaya..

Un ka kiyaa dil main asay sama gaya..

Sehra main goya jasay hoo
selaab aagya..

Ankhoon na meri ansoo say
ashna thii..

Askhoo ka aaj tu hoon darya
bhaa gaya,

Main us ko bewafa kahoon
mumqin nahi dost..

Her jand zakham dil pay wo
meray laga gaya..

Jinay ki baat or hay marnay ki baat or..

Duniyaa say jo gaya wo akela gaya,

“saqi” is jahan main rishtay aziz hain,

Acha wohe raha jo in ko nibha gaya...

Zamanay ko jalnay do chalo aik sath chalte hain

Zamanay ko jalnay do chalo aik sath chalte hain,

Nayee duniya basanay ko chalo aik sath chalte hain,

Hamain jeevan ka her lamha
tumhare naam kerna hai,

Yeh waada nibhanay ko chalo aik sath chalte hain,

Suna hay mil k chalne se
muqaddar jaag uthte hain,

Yeh baat aazmanay ko chalo aik sath chaltay hain...)

Ek rishta jo abhi ban raha tha

Ek rishta jo abhi ban raha tha ,

Tutne laga magar banne se
pahle.

Ek sahare se uthate the ham,

Gir gaye magar sambhalne se pahle.

Sikhane lage the aap se
muskurana,

Rula diya magar hasne se pahle.

Kadam jo baRhen aap ki disha me,

Ruk gaye wahi chalne se pahle.

Magne ke liye kuchh jo jholi
phailai,

Khich liya haath kuchh dene se pahle.

Hamne jo jalaye ummido ke
chirag,

Bujh gaye magar jalne se pahle.

Kya yahi arth hota hai rishto
ka?

Tutana hota hai inhe banne se pahle....

Kahan dil chor aye ho

Kahan dil chor aye ho,
bohut chup chap se rehtay ho,

Na bante ho na sanwarte ho
na koi bat karta ho

Bhari mehfil main bhi aksar
hamesha khoay rehtay ho

Udasi aankho main le kay
her ek chehre ko takte ho

Koi jab yaad aata hai to
Thundi aah bharte ho

To khul kar kion nahin kehtay Kisi se pyar kertay ho...

Meray Allah larai se bachana mujh ko

Meray Allah larai se bachana
mujh ko,

Aur sikha day koi banduk chalana mujhko!

Khair se laut k ayain meray abbu ghar main

Urr na jain woh dhamakay sai kahin daftar main !

Raat din jaam traffic na rahay sarkon per

Koi nala na gatar bhar kar
bahay sarkon per!

Qalma gawaion ko musalman
banaday yarab

Naik aur saheb-e-iman banaday yarab !

Naam-e-Islam ki hurmat ko
bachalay yarab

Waqt kai saray yazidon ko
uthalay yarab

Lub pai aati hai dua ban kay
tamanna meri...

Najane q meri shairi ka unwan ban jate ho tum

Najane q meri shairi ka unwan ban jate ho tum,

Sub kuch jante howe bhi anjan ban jate ho tum,

Na koi rishta hay tum se na koi talluk,

phir bhi na jane q mera man ban jate ho tum,

Me jo bhi likhta hon bat zara
qarene se,

Mera geet meri shaira mera
deewan ban jate ho tum,

Dil se jo nikalti hai, labon pe aa k dum tor deti hay,

Woh tamanna, wo hasrat wo
arman ban jate ho tum.

Main lakh karon koshish tum se tark-e-tlluq ki,

Phir bhari mehfil main meri
pehchan ban jate ho tum...

Dost dushman nazar nahin atay

Dost dushman nazar nahin atay

Ab to pather bhi ghar nahin atay

Sub ko roona mera mazaq lagay

Ashq aankhon main bhar nahin aatay

Baap say pocho kia guzarti hai

Baitiyon k jo bur nahin aatay

Mujh say pocha yeh raat
wehshat nay

aaj kal aap ghar nahin aatay,

Dosti ho gaye sitaron say,

Khuwab ab raat bhar nahin
aatay...

Safar tanha nahin karte Suno aesa nahin karte

Safar tanha nahin karte
Suno aesa nahin karte

Chalo tum raz ho apna
Tumhain afsha nahin karte

Suno jis ka muqaddar ho ossey chora nahi karte

Jisay shafaf rakhhna ho ussey maila nahin karte

Jo bas jata hai dharkan main
ussey bhula nahin karte

Kisi ko dil dete waqt boht socha nahin kartey

Jo pehlay sey tanha ho ussey tanha nahin karte

Suno yadain sataingi magar roya nahin karte

Suno tum yad atay ho aur hum soya nahin karte...)

Ek tamanna hai fakat mujh pey meharban raho

Ek tamanna hai fakat mujh pey meharban raho

tum kisi aur ko dekho to bura lagta hai

Mery chahat ka takaza hai mere sath raho

ghair ka hath jo thamo tu bura lagta hai

Arzo hai tere her roop ko her pal dekhon

tum mere pas sey utho tu bura lagta hai

Roz-e-shab aaj b perwa hai
tumhari mujh ko

tum kisi aur ko socho tu bura lagta hai

Ye mery rooh tarasti hai tumhari khushbo ko

tum kahin aur ja k mehko to
bura lagta hai...

Qaasid ke aate aate Khat ek aur likh rakhoon

Qaasid ke aate aate
Khat ek aur likh rakhoon

Main janta hoon jo
Woh likhenge jawaab mein

- Ghalib

Qaasid ke aate aate Khat ek aur likh rakhoon

Qaasid ke aate aate
Khat ek aur likh rakhoon

Main janta hoon jo
Woh likhenge jawaab mein

- Ghalib
Dikhayi diye yun

Ke bekhud kiya

Hamein aap se bhi

Juda kar chale

Zabeen sajda karte hi karte
gaye

Haq-e-bandagi yun adaa kar
chale

Parashtish kiya tak ki aye but tujhe

Nazar mein sabon ke khud aa kar chale

Bahut aarzoo thi gali ki teri

So yaa se lahu mein nahaa kar chale...

Hai mashq-e-suKhan jaarii chakkii

Hai mashq-e-suKhan jaarii chakkii

Kii mushaqqat bhii
ek turfaa tamaashaa hai

Hasrat kii tabiiyat bhii

Jo chaaho sazaa de do tum aur bhii khul khelo

Par ham se qasam le lo kii ho jo shikaayat bhii

Khud ishq kii gustaaKhii sab tujh ko sikhaa degii

Ai husn-e-hayaa-parvar shoKhii bhii sharaat bhii

Ushaaq ke dil naazuk us shoKh kii khuu naazuk

Naazuk isii nisabat se hai kaar-e- muhabbat bhii

Ai shauq kii bebaakii vo kyaa terii

Khvaahish thii jis par unhen gussaa hai

Inkaar bhii hairat bhii..

bhulaataa laakh huuN, lekin baraabar yaad aate haiN

bhulaataa laakh huuN, lekin
baraabar yaad aate haiN

ilaahii, tark-e-ulfat par vo kyuuN kar yaad aate haiN

na chheR ae ham-nashiiN,

kaifiyat-e-sahbaa ke afsaane

sharaab-e-be-Khudii ke mujhko saaGar yaad aate haiN

rahaa karte haiN qaid-e-hosh meN ae vaaye naakaamii

vo dasht-e khud faraamoshii ke chakkar yaad aate haiN

nahiiN aatii, to yaad unkii
mahiinoN tak nahiiN aatii

magar jab yaad aate haiN, to aksar yaad aate haiN

haqiiqat khul gaii Hasrat tere
tark-e-mohabbat kii

tujhe to ab voh pahle se bhii
baRh kar yaad aate haiN

- HASRAT MOHANI

Na tha kuchh to khuda tha

Na tha kuchh to khuda tha

Kuchh na hota to khuda hota

Duboya mujhko hone ne

Na hota main to kya hota

Hua jab gham se yun behis

To gham kya sar ke katne ka

Na hota gar juda tan se

To zaano par dhara hota

Hui muddat ke 'Ghalib'

Mar gaya par yaad aata hai

Woh har ek baat pe kehna

Ke yun hota to kya hota...

Sab kahan kuchh lala-o-gul mein numaya ho gayee

Sab kahan kuchh lala-o-gul mein numaya ho gayee

Khaak mein kya suratein hongi ke pinhaa ho gayee

Ranj se khuNgar hua insaan to mit jaata hai ranj

Mushkilein mujh par padi itni ke aasaan ho gayee

Yun gar rota raha 'Ghalib' to ehl-e-jahan

Dekhna is bastiyon ko tum ke veeraan ho gayee...

Tere ishq kii intehaa chaahtaa huuN

Tere ishq kii intehaa chaahtaa huuN

merii saadgii dekh, kyaa
chaahtaa huuN

sitam ho ki ho vaada-e-be-
hijaabii

koii baat sabr-aazmaa chaahtaa huuN

yah jannat mubaarak rahe
zaahidoN ko

ki maiN aapkaa saamnaa
chaahtaa huuN

saraa sa to dil huuN magar
shoKh itnaa

vahii lantaraanii sunaa chaahtaa huuN

koii dam kaa mehmaaN huuN, e ahl-e-mehfil

chiraaG-e-sahar huuN, bujhaa chaahtaa huuN

bharii bazm meN raaz kii baat kah dii

baDaa be-adab huuN, sazaa
chaahtaa huuN

- ALLAMA IQBAL
Hain aur bhi duniya mein
Sukhanwar bahut achchhe,,

Kehte hain ke 'Ghalib' ka hai
Andaaz-e-bayan aur...

Shaayad mein zindagi ki seher leke aa gaya

**Sudarshan Faakir**
=>
=>
=>
Shaayad mein zindagi ki seher leke aa gaya

Qaatil ko aaj apne hi ghar leke aa gaya

Ta umr dhoondta raha manzil main ishq ki

Anjaam yeh ke gard-e-safar le ke aa gaya

Nashtar hai mere haath mein
kaandhon pe maikada

Lo main ilaaj-e-dard-e-jigar leke aa gaya

'Faakir' sanam qade mein na aata main laut ke

Ik zakhm bhar gaya tha idhar leke aa gaya...