Dard Dilon Ke Kam Ho Jate!!!

'Sheesha mera wajood hay, Pathar talash kar' 'Meray galay ke wastey khanjar talash kar' 'Qatray se meri tishnagi na bujh sakay gi ab' 'Mere liye tu koi samandar talash kar' 'Duniya ke is hujoom mein hargiz mujhe na dhood' 'Mujh ko kahin tu apne hi andar talash kar.

==>GHAZAL==> Udaas shaamon ki siskion mein Kabhi jo meri awaaz sun'na Tou beety lamhon ko yaad kar k Inhifizaon mein lout aana Tum aaya karte thay khwaab ban kar Kabhi mehaktay they gulab ban kar Main khushk hoonton se jab pukaaroon In adaaon mein lout aana Meri wafaaon ka paas rakhna Meri duaaon ka pas rakhna Main khali haathon ko jab uthaaon Meri duaaon mein lout aana...

Bohat be-chain rehti hay tabiyat aik muddat se.. Dil-o-jaan ko nahi mil paai rahat aik muddat se.. Mujhe bhi rok rakha hay meri masroofiyat ne or.. Nahi ki tum ne bhi milnay ki zehmat aik muddat se.. Bohat majboor hoon warna bohat mehssos karta hoon.. Meri jaan tum se milnay ki zarorat aik muddat se.. Kisi din aa k mil jao k apnali hay aankhon ne.. Tumhari yaad mein ronay ki aadat aik muddat se..

Main wohi hon jisay tum dost kaha karte thay.. Din mein so baar mera naam liya karte thay.. Aaj kiya baat hay kyun mujh se khafa bethay ho? Kiya kisi aur ko tum dost bana bethay ho? Faaslay itne to pehle na huwa karte thay.. Main wohi hoon jisay tum dost kaha karte thay.. Tum agar bhool gaye ho to koi baat nahi.. Zakham to pehle bhi is dil pe laga karte thay.. Main wohi hon jisay tum D-O-S-T kaha karte thay....

Bikharti rait per kis naqsh ko aabad rakhey gi. Wo mujhko yaad rakhey bhi to kitna yaad rakhey gi. Usay buniyad rakhni hay abhi dil mein mohabbat ki. Magar ye sang seenay per wo meray baad rakhey gi. Palat ker bhi nahi dekhi uski ye be-rukhi hum ne. Bhula den gey usay aisa k wo bhi yaad rakhey gi.

Koi umeed jo hoti tere laut aane ki.. Phir na hoti aisi halat dil deewane ki.. Main to har haal mein khush rehne ki justju mein raha.. Na gai teri aadat wo staane ki.. Zindagi jabar-e-musalsal ki tarha kaat raha hoon.. Nahi deta koi dua bhi mar jane ki.. Ab tou aksar yehi sochta rehta hoon.. Tujh ko maangon ya maangon dua apnay mar jane ki...

"Us waqt ko yaad kar zara, jab uthaya jayega Tera Janaza Tere chahne wale Tujh par aansoun bahainge Is say ziada kuch nahi kar payenge Phir tujhe nahla kar kafan pehna kar Qabar k garhay mein ja dafnayenge.. Phir kuch din bhi na guzar payenge Yahi log qehqahe lgayenge.. Marne walon k 7 kon marta hay? Qabron pe phir kon aya karta hay? Tujhe mare hue jab zamane guzar jayenge Log naam bhi bhool jayenge Bas yehi he haqiqat is dunia ki khoob jee lo.. Kamiyabi chahte ho to ALLAH ki maan lo"..>